Ամերիկացի դերասանուհի և ռեժիսոր Անջելինա Ջոլին չի հայտնվել «Օսկար» մրցանակաբաշխությանը: Պապարացիները չեն հասկանում արարողությունն անտեսելու պատճառը:
Լրագրողներն առաջադրում են տարատեսակ տարբերակներ: Դրանցից մեկի համաձայն՝ կարմիր գորգին չհայտնվելու պատճառը վիրավորանքն էր: Դերասանուհին փորձագետներին է ներկայացրել իր «Սկզբում նա սպանել է իմ հորը» ֆիլմը: Դա պրոֆեսիոնալ ոլորտում մեծ իրարանցում առաջացրեց, և ֆիլմի համար մեծ ապագա կանխատեսեցին: Սակայն ֆիլմը դուրս մնաց «Օսկարի» ցանկից: Հնարավոր է՝ հենց դա է հանդիսացել դերասանուհու չներկայանալու պատճառը:
Մեկ այլ ենթադրության համաձայն՝ դերասանուհուն տխրեցրել է նախկին ամուսնու՝ Բրեդ Փիթի և Ջենիֆեր Էնիսթոնի՝ հարաբերությունները վերսկելու մասին լուրը: Ջոլին չի եկել մրցանակաբաշխությանը, քանի որ նախկին ամուսնու անձնական կյանքում տեղի ունեցող փոփոխության մասին լուրը շատ ցավով է ընդունել. Նրա մոտ առաջացել է նյարդային ցնցում, և հիմա անհավասարակշիռ վիճակի մեջ գտնվող Ջոլին օգտվում է հոգեբանի ծառայություններից:
