Մրցանակաբաշխության արարողության առաջին երեք ժամվա վրա հիմնված նախնական տվյալների համաձայն`«Օսկարի» վարկանիշն այս տարի 2017-ի համեմատ նվազել է 16 տոկոսով:
2017թ. արձանիկների հանձնման արարողությունը գրավել է 32,9 միլիոն հանդիսատեսի ուշադրությունը: Այդ ցուցանիշը 2008թ.-ից հետո ամենացածրն է. այդ տարի արարողությանը հետևում էր 31,8 միլիոն մարդ:
Վերջին տարիներին ամենադիտված և քննարկվածը «Օսկար 2014»-ն էր: Այդ ժամանակ գլխավոր մրցանակի համար պայքարում էին «Գրավիտացիա», «Ստրկության 12 տարի», «Գնորդների դալասյան ակումբը»:Դրանից հետո արարողության վարկանիշը կտրուկ ընկել է: Ամենայն հավանականությամբ, այս տարի ևս մրցանակաբաշխությունը բացասական միտում ունի:
Երկու բան կարող էր ազդել հիասթափեցնող արդյունքների վրա: Նախ, ինտրիգի պակասը, և երկրորդ, արարողությունը երկրորդ տարին անընդմեջ վարում էր նույն հաղորդավարը՝ Ջիմի Քիմմելը:
