Ամերիկյան նոր պատժամիջոցները կտանեն Իրանի քաղաքացիների աչքում երկրի կառավարության ժողովրդականության բարձրացման: Այս մասին լրագրողներին հայտնել է Իսլամական հեղափոխության պահակազորի հրամանատար, գեներալ-մայոր Մուհամմադ Ալի Ջաֆարին: Գեներալի խոսքով՝ Իրանի դեմ հնարավոր հարվածի մասին բոլոր շահարկումները «սուտ» են:
«Նրանք հույս ունեն, որ պատժամիջոցներով մեզ կստիպեն հանձնվել, սակայն այդ պատժամիջոցների հետևանքով մարդկանց զանգվածները դուրս են գալիս հանրահավաքների և քվեարկության: Նրանք աջակցում են իշխանության իսլամական մարմիններին ու նրանց ազնիվ նպատակներին»,-գեներալի խոսքերն է մեջբերում Fars գործակալությունը:
Նա Իրանի թշնամիներին մեղադրել է հանրապետության դեմ դավադրությում կազմակերպելու համար:
Գեներալի խոսքով՝ «նրանք փորձում են միջամտել երկրի ներքին գործերին՝ հեղափոխության ուղուց շեղելու հանրապետությունը, սակայն նախկինում նման բոլոր փորձերն անհաջողությամբ են պսակվել»,- ասել է գեներալը:
«Ամերիկացիները Իրանին հարվածելուց վախենում են ավելի շատ, քան ցանկացած այլ երկրի, բայց նրանք նման խոսակցությունները կիրառում են որպես քաղաքական ազդեցության տարր»,- ասել է նա:
