«Թաթարստան» ավիաընկերությանը պատկանող Boeing 737 ուղևորատար ինքնաթիռը, որը Մոսկվայի «Դոմոդեդովո» օդանավակայանից մեկնել է Կազան, վթարի է ենթարկվել վայրէջք կատարելիս` հաղորդում է Ռուսաստանի արտակարգ իրավիճակների նախարարության կայքը:
Նախնական տվյալներով` ավիավթարի հետևանքով զոհվել է 50 մարդ: Զոհերի ցուցակում է Թաթարստանի նախագահի որդու անունը:
Հաղորդվում է, որ ինքնաթիռում պայթյուն է որոտացել, երբ այն պատրաստվել է վայրէջքի: Նախնական վարկածով` ինքնաթիռի վթարի հիմնական պատճառն անձնակազմի թույլ տված սխալն է:
Ներկայում վթարի վայրում հրդեհը մարվել է:
