Բրիտանիայի դատարանը երիտասարդ ուսուցչին մեղավոր է ճանաչել Լոնդոնում ահաբեկչություններ իրականացնելու նպատակով երեխաների հավաքագրման համար: Այս մասին հայտնում է NDTV հեռուստաալիքը:
Հետաքննության տվյալներով՝ 20-ամյա Ումար Հեյքը ԴԱԻՇ-ի կողմնակից է:
Երեխաներին նա ցույց է տվել ծայրահեղական տեսանյութեր, բռնություն է քարոզել և կոչ է արել մահացու գրոհները վերսկսել Մեծ Բրիտանիայի մայրաքաղաքի վրա:
«Նրա ծրագիրն էր երեխաների բանակ ստեղծել օգնելու համար ամբողջ Լոնդոնում մեծաթիվ ահաբեկչական հարձակումներին»,- ասել է ոստիկանության հակաահաբեկչական ստորաբաժանման ղեկավար Դինա Հեյդոնը:
Հեյքի գործողություններից տուժել է ավելի քան 100 դպրոցական:
Իրավապահ մարմինները կարծում են, որ ուսուչիցը հարձակումներ է ծրագրել մարդկանց զանգվածային կուտակումների վայրերում, որոնցից են՝ բրիտանական խորհրդարանի Բիգ-Բեն աշտարակը և Հիթրոուի օդանավակայանը:
