«Առաջին լրատվական»-ի զրուցակիցն է Հովհ․ Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանը։
– Պարոն Բաբայան, Դուք Հայաստանի կյանքին որպես ակտիվ հետևող մարդ, չեք ասի՝ ի՞նչ անել Մարտի 1-ի հետ։
– Դժվար է։ Ընդհանրապես պատասխան տալ կյանքային հարցերին, դժվար է։ Այն, ինչ որ կատարվեց, ինձ համար երեք բաղկացուցիչ մաս ունի․ առաջինը՝ քրեական։ Իհարկե, եթե տեղի է ունեցել անմեղ մարդկանց սպանություն բազմաթիվ վկաների ներկայությամբ, և այդ հանցագործությունը չի բացահայտվել, ուրեմն քրեական գործը կախված է օդի մեջ։ Երկրորդը՝ քաղաքական, որը, կարծում եմ, քիչ պակաս ազդեցություն է թողնում, քան առաջինը։ Եթե առաջին հարցում սպանվածների հարազատները, ծնողները արդարություն տեսնելով կսփոփեին իրենց, ապա երկրորդը, կարծում եմ, ցույց տվեց այն վտանգավոր զարգացումները, որոնք տեղի էին ունենում մեր երկրում․ երբ բռնությունները, սպանությունները, մարդկանց կյանքից զրկելը դարձավ հարց լուծելու միջոց և դա մտնում է մտածողության մեջ, որ այդ ձևով կարելի է հարցեր լուծել։
Սա չի վերաբերում միայն իշխանությանը կամ ընդդիմությանը, այս մտածողությունը սկսում է ավելի ու ավելի շատ կողմնակիցներ գտնել հասարակության մեջ։ Կարելի է մարդկանց վրայով անցնել՝ նպատակը արդարացնում է միջոցները։
Հարցազրույցն ամբողջությամբ՝ տեսանյութում։
