Լաս Վեգասում վերջերս անցկացված ավտոմեքենաների SEMA Show ցուցահանդեսին ավտոարտադրողները ներկայացրել են իրենց մեքենաների այլընտրանքային տարբերակները: Բացառություն չի կազմել նաև Lexus-ը: Ճապոնական բրենդը ներկայացրել է Lexus IS 350 F Sport Deviant Art Edition մոդելը:
2014թ. թողարկված Lexus IS 350 F Sport մեքենայի հիմքի վրա ստեղծված մեքենայի դիզայնի հեղինակը Ռոբ Էվանսն է: Այս աշխատանքն է հաղթել Lexus IS Design Contest մրցույթին: VIP Auto Salon անունով թիմը երկու շաբաթում պատրաստել է մեքենայի կոնստրուկցիան: Մեքենայի տեսքը փոքր-ինչ ագրեսիվ է: Մոդելի տեխնիկական բնութագիրը հայտնի չէ:
Իր ջանքերի համար Ռոբ Էվանսը կստանա 2 հազար դոլար՝ գրում է style.rbc-ն:
