«Եթե մինչ օրս մարտի 1-ի սպանությունները չեն բացահայտվել, ոչ մի երաշխիք չկա, որ մեր զինվորների սպանությունները ևս կբացահայտվեն, քանի որ այդ ամենը մեկ ընդհանուր շղթա է, իսկ շղթայի ծայրը Սերժ Սարգսյանի ձեռքում է»,-այսօր կառավարության շենքի դիմաց բողոքի ակցիայի ժամանակ «Առաջին լրատվական»-ի հետ զրույցում ասացին խաղաղ պայմաններում զոհված զինվորների ծնողները։
Նրանց խոսքով՝ 10 տարի շարունակ սպանությունները չեն բացահայտվում, քանի որ իշխանության ղեկին Սերժ Սարգսյանն է և, ինչպես երևում է, հենց նա էլ շարուակելու է ղեկավարումը։
Տիգրան Օհանջանյանի մայրը՝ տիկին Գոհարն էլ մեզ հետ զրույցում հիշեց, որ տարիներ առաջ, երբ ԱԺ պետաիրավական հանձնաժողովի նախկին նախագահ Հովհաննես Սահակյանը ընդունեց իրենց, շատ ուշագրավ միտք ասաց։ Սահակյանն անդրադառնալով խորհրդարանական հանձնաժողով ստեղծելու առաջարկին ասել էր՝ մարտի 1-ի գործով հանձնաժողով ստեղծվեց, գործը մտավ փակուղի։ Դուք էլ եք նույն բանը ուզում։
Առավել մանրամասն՝ տեսանյութում
