Ամերիկյան iCloud Communications ընկերությունը, որը VoIP հեռախոսակապի ծառայություններ է մատուցում, հայտարարել է, որ դատի է տալիս Apple ընկերությանը նորաստեղծ iCloud ծառայությունում իր ապրանքանիշն օգտագործելու համար:
iCloud Communications-ում կարծում են, որ այն ապրանքանիշերը, որ Apple-ն առաջարկում է iCloud ապրանքանիշի տակ, համընկնում են կամ սերտ կապված են iCloud Communications-ի սեփական արտադրանքի հետ: Apple ընկերության իրականացրած զանգվածային գովազդային արշավի արդյունքում iCloud-ն ասոցացնում են միայն նրա հետ, այլ ոչ թե iCloud Communications-ի:
iCloud ծառայությունը ներկայացվել էր հունիսի 6-ին Apple-ի ամենամյա կոնֆերանսի ժամանակ: Այն թույլ է տալիս վերբեռնել օգտատիրոջ ողջ բովանդակությունը iCloud-ի առաջարկած սերվերների վրա և օգտվել դրանից աշխարհի ցանկացած վայրում՝ հրաժարվելով համապատասխան կրիչներ տեղափոխելու հետ կապված հնարավոր բարդություններից: