Թայվանցի գիտնականները բացահայտել են աշխարհում ամենատարածված ցավազրկող հինգ դեղամիջոցների վտանգավորությունը: Արդյունքները հրապարակվել են British Journal of Clinical Pharmacology-ում:
Պարզվում է, որ իբուպրոֆեն, դիկլոֆենակ, ցելեկոքսիբ, մեֆենամաթթու և նապրոքսեն տեսակի դեղամիջոցները կարող են սրտամկանի կամ գլխուղեղի կաթվածի պատճառ դառնալ:
Գիտնականներն իրենց աշխատանքի հիմքում ունեցել են 56 հազար չափահաս մարդկանց տվյալներ, որոնք ունեցել են արյան բարձր ճնշում: Վերլուծությունները ցույց են տվել, որ իբուպրոֆեն օգտագործած յուրաքանչյուր 330 մարդուց մեկի մոտ չորս շաբաթ անց մոտ տեղի է ունեցել սրտամկանի կաթված: Նման ելք է գրանցվել նաև ցելեկոքսիբ օգտագործած յուրաքանչյուր 105 հոգուց մեկի մոտ:
Նշվում է, որ ամենավտանգավորը մեֆենամաթթու դեղամիջոցն է:
