Շվեդ գիտնականները սկսել են մահացած մարդկանց «էլեկտրոնային պատճենների» ստեղծման աշխատանքները։ Սկզբում մասնագետները նախատեսում են ստեղծել պարզապես ծրագրեր, իսկ ավելի ուշ մահացածներին արտաքինով նման ռոբոտների։ «Սկզբում մենք ստեղծել էինք խոսքային ծրագիրը, որը պատասխանում է՝ թաղումների կազմակերպման հետ կապված մեր հաճախորդների հարցերին»,– պատմել է Շառլոտա Ռունիուսը, ստոկհոլմյան «Փյունիկ» թաղման բյուրոների ցանցի տնօրենը։ Իսկ դրանից հետո ծնվեց «մարդու էլեկտրոնային պատճենը» ստեղծելու գաղափարը։ Խոսքը հատուկ ծրագրի մասին է, որ կկարողանա նմանակել հանգուցյալի ձայնը։ Ըստ նախատեսվածի՝ այն կկարողանա պատասխանել տարբեր կենցաղային հարցերի, սակայն ոչ մի նոր բանի մասին չի կարողանա պատմել, օրինակ՝ կինեմատոգրաֆի նորությունների։ Հետագայում նախատեսվում է այնպիսի ռոբոտների մշակումը, որոնք արտաքնապես նման կլինեն հանգուցյալներին։ Դեռևս նախագիծը մշակման նախնական փուլում է գտնվում։
