Ես դատապարտում եմ ցանկացած ոչ բարեկիրթ, մեր մշակույթին անհարիր գործողություն: Նման գործողություն, ցավոք սրտի, այս պարագայում եղել է երկու կողմից: Այս մասին այսօր հրավիրված մամուլի ասուլիսի ժամանակ ասաց ՀՀ արդարադատության նախարար Դավիթ Հարությունյանը՝ անդրադառնալով Երևանի ավագանու նիստի միջադեպին:
Հարցին, թե նախարարությունն իր մեղքի բաժինը զգո՞ւմ է, որ ժամանակին եթե լուծած լիներ խնդիրը, նման բան չէր լինի, նախարարը արձագանքեց. «Եթե այդ ձևով մոտենանք ցանկացած հարցի, նշանակում է, որ, ենթադրենք անձինք, ովքեր կատարում են անպարկեշտ արարքներ, ովքեր կարող են թույլ տալ կեղտաջրերով ներկայանալ ավագանու նիստին և այլն, մենք ինչ-որ քայլ կատարելով փոխելու էինք իրենց մտածելակերպը: Այն, ինչ տեղի ունեցավ ավագանու նիստին, անհարիր էր մեր մշակույթին: Ես կարծում եմ, որ երկու կողմերն էլ չպետք է իրենց այդպես պահեին»,- ասաց նախարարը:
