ԱՄՆ-ը ծրագրում է 3.5 տարի հետո ամբողջովին հրաժարվել «Ռոսկոսմոսի» ծառայություններից Միջազգային տիեզերական «Սոյուզ» տիեզերանավերի օգնությամբ տեզերագնացների տեղափոխելիս: Այս մասին հայտարարել է NASA-ի տնօրեն Չարլզ Բոլդենը:
Ամերիկյան տիեզերական գործակալության ղեկավարը նշել է, որ նոր ամերիկյան տիեզերանավը պետք է առաջին թռիչքը դեպի Միջազգային տիեզերակայան կատարի 2017 թվականին: Մինչ այդ անձնակազմերի տեղափոխությունն ուղեծրային համալիր կշարունակեն իրագործել «Սոյուզները»՝ փոխանցում է ITAR-TASS-ը:
Փորձագետների հաշվարկներով՝ վերջին տարիների ընթացքում ԱՄՆ-ը Ռուսաստանի տիեզերանավում մեկ տեղի համար 65 մլն դոլար է վճարել: «Սոյուզների» կիրառման մասին NASA-ի և «Ռոսկոսմոսի» միջև ներկայիս համաձայնագիրը նախատեսված է մինչև 2017թ. տարեկես:
Բոլդենը պաշտոնապես հայտարարել է, որ նոյեմբերի 19-ից NASA-ն կսկսի կոմերցիոն ընկերություններից նոր տիեզերանավի կառուցման հայտերի ընդունումը:
