Բրիտանական Պլիմուտ քաղաքի բնակիչ Բեն Կումբսը մոտ 37 հազար կիլոմետր է անցել, որպեսզի գարեջուր խմի ամենահյուսիսային և ամենահարավային փաբերում։
Կումբսը խոստովանել է, որ ճամփորդության գաղափարը ծնվել է գարեջուր խմելիս։ Նրա «Փաբից փաբ» (Pub2Pub) ճամփորդությունը սկսվել է Արկտիկայի՝ Շպիցբերգեն կղզուց և ավարտվել է Հարավային Ամերիկայի Հրո Երկրում։ Ամբողջ ճանապարհը բրիտանացին անցել է TVR Chimaera ավտոմեքենայով։
Իր երթուղու ամենահյուսիսային փաբը Շպիցբերգեն կղզու Պիրամիդա գյուղում է եղել։ Քումբսը նշել է, որ այնտեղ մշտապես չորս մարդ է լինում, ովքեր ապրում են հին հյուրանոցոմ, որտեղ էլ գտնվում է տեղանքի միակ փաբը։
Ամենահարավային փաբը փնտրելիս անգլիացին իմացել է, որ բարեր կան նաև Անտարկտիդայում։ Բայց դրանք անօրեն են աշխատում, կամ էլ փակ բնակավայրերի մաս են կազմում։ Այդ պատճառով էլ ամենահարավային փաբը դարձել է չիլիական Պուերտո–Վիլյամս քաղաքի փաբը, որը գտնվում է Հրո երկիր արշիպելագում։
