Հնդկական Ութար–Պրադեշ նահանգի բնակչուհի, 26-ամյա Կրիշնա Սենը, ով հայտնի է նաև որպես Սվիթի Սեն, հարստանալու յուրահատուկ միջոց է գտել։ Վերջին չորս տարիներին նա հաջողությամբ տղամարդ է ձևացել։ Այս ընթացքում նա հասցրել է գերել և համոզել ամուսնանալ իր հետ երկու աղջիկների՝ նրանց օժիտի վրա հույս դնելով։
Հնդկաստանում 1961 թվականից արգելված է օժիտ տալն ու ստանալը, սակայն այս ավանդույթը շարունակվում է ապրել մինչ օրս։
Իր զոհերի հետ Կրիշնան ծանոթանում էր սոցկայքերում։ Առաջին «կնոջ»՝ Կամինի Սենի հետ նա ծանոթացել է 2014 թվականին։ Աղջիկը ներկայացել է որես հարուստ բիզնեսմենի դուստր։ Ծանոթությունից մի քանի ամիս անց հարսանիք են արել։ Կամինիի խոսքերով՝ հարսանիքից հետո ամուսինը սկսել է իրեն ագրեսիվ պահել, ծեծելով նրան և պահանջելով օժիտի իր բաժինը։ «Կնոջ» ծնողները Կրիշնային ավելի քան 10 հազար դոլար պարտք են տվել, որպեսզի «փեսան» կարողանա սեփական գործ սկսել։ Այդ գումարները նրանք այդպես էլ ետ չեն ստացել։ Ավելին, Կրիշնան ծեծում էր Կամինիին և ավելի շատ գումար պահանջում։
Բաժանվելով առաջին կնոջից՝ Սենը, 2017 թվականին ամուսնացել է Նիշա անունով աղջկա հետ։ Ի տարբերություն Կամինայի, Նիշան շուտով հասկացավ, որ Կրիշնան տղամարդ չէ, բայց նա, վախենալով հրապարակումից, վճարել է նրան լռության համար և շարունակել է գումար պահանջել առաջին կնոջից։ Վերջ ի վերջո Կամինիի համբերության բաժակը լցվել է և նա ոստիկանություն է դիմել։ Խարդախ կնոջը ձերբակալել են։
Ոստիկանությունում Սենը պատմել է, թե ինչպես է խաբել կանանց։ Նա նրանց երբեք թույլ չի տվել կպնել իրեն ցերեկը, իսկ գիշերը, մթության մեջ սեքս–խաղալիքներ է օգտագործել։
