Ամերիկացի գրող Ջորջ Մարտինը չի պատրաստվում «Սառույցի եւ կրակի երգը» ֆենթեզի սագայի վեցերորդ մասը թողարկել 2018 թվականին, ինչպես պլանավորվում Էր ավելի վաղ:
Այդ մասին նա հայտնել Է իր բլոգի մեկնաբանություններում: Նրա խոսքով՝ թերեւս ընթերցողները 2018 թվականին պետք Է ակնկալեն «Կրակ եւ արյուն» երկերգության առաջին հատորը, որը կներկայացնի Թարգարիենների դինաստիայի ամբողջ պատմությունը: «Գահերի խաղը» սերիալի գրական հենքի՝ «Սառույցի եւ կրակի երգի» վեցերորդ մասը գրողը կթողարկի միայն դրանից հետո: Գիրքը կստանա «Ձմռան քամիներ» անվանումը: Վեպը կդառնա «Սառույցի եւ կրակի երգը» շարքի նախավերջին մասը:
Ավելի վաղ ենթադրվում Էր, որ «Ձմռան քամիները» կավարտեն 2015-2018 թվականներն ընկած ժամանակաշրջանում: 1996 թվականից Մարտինը թողարկել Է «Սառույցի եւ կրակի երգը» սագայի հինգ վեպեր:
Հուլիսին նա ազդարարել Է երկու նոր գրքերի մասին: Ամերիկացի գրողի ստեղծագործություններն ընկած են «Գահերի խաղը» սերիալի հիմքում:
