Այսօր կառավարության շենքի դիմաց նորից հավաքվել էին «Նաիրիտ»-ի նախկին աշխատակիցները և պահանջում էին գործարանի վերագործարկում։ Նաիրիտցիները, սակայն, մեզ հետ զրույցում ասացին, որ առանձնապես հույս չունեն, թե գործարանը երբևէ կգործարկվի, քանի որ նախ կառավարության մոտ այդ կամքը չի նկատվում, և հետո տևական ժամանակ է գործարանից տարբեր սարքավորումներ, խողովակաշար, հաստոցներ մաս-մաս դուրս է բերվում և վաճառվում է։ «Մեզ ասում են, իբր վաճառում են, որ նորը գնեն, բայց նախ նորը չի գնվում, և հետո, նորը շատ թանկ է։ Ու ստացվում է, որ վաճառված ապրանքի գումարն էլ է գնում իրենց գրպանը»,-«Առաջին իրատվական»-ի հետ զրույցում ասաց նաիրիտցիներից մեկը։
Առավել մանրամասն՝ տեսանյութում
