Բրյուսելում լսումների ժամանակ, որոնք կազմակերպվել էին ազատությունների հարցերով Եվրախորհրդարանի քաղաքացիական կոմիտեի կողմից ԱՄՆ-ի առցանց լրտեսումների մասին, Fаcebook սոցցանցի ներկայացուցիչները հայտնել են, որ ամերիկյան իշխանությունները ԵՄ երկրների իշխանություններից կրկնակի հաճախ են տեղեկություններ հայցում: Այս մասին գրում է The New York Times-ը:
Եվրոպայում, Մերձավոր Արևելքում և Աֆրիկայում Facebook-ի հանրային քաղաքականության հարցերով տնօրեն Ռիչարդ Ալանը պատմել է, որ 2013-ի առաջին կիսամյակում ԵՄ-ից 8500 հայց է ստացվել (վերաբերել է 10 հազար օգտահաշվի), մինչդեռ ԱՄՆ տեղական, տարածաշրջանային և դաշնային իշխանություններից 12 հազար հայց է ստացվել (վերաբերել է 21 հազար օգտահաշվի): Վիճակագրությունը նշում է տարեցտարի հայցերի աճի միտման մասին:
Թերթը նշում է, որ Եվրոպայի ցուցանիշները կարող են նվազեցվել, քանի որ գոյություն ունեն այսպես կոչված պայմանագրեր եվրոպական երկրների և ԱՄՆ-ի միջև փոխադարձ իրավական օգնության մասին: Այդ պայմանագրերով արված հայցերը նման են ամերիկյան իշխանությունների ցանկացած այլ հարցման, այնպես որ Facebook-ը չի կարող ասել, թե այդ հարցերից որքանն են ստացվել ԵՄ երկրների կառավարություններից:
