Մայլի Սայրուսի բաց հագուստներն արդեն ավանդույթ են դարձել, սակայն դա նրա համար բավական չէ. տեսահոլովակներում նա չի ամաչում նույնիսկ առանց հագուստի ներկայանալ: Երգչուհին այս անգամ ևս ինքն իրեն չի դավաճանել. կայացել է նրա և ռեփեր Future-ի համատեղ տեսահոլովակի շնորհանդեսը, որտեղ Սայրուսը հիմնականում մերկ է, ընդ որում՝ նրա մարմինը պատված է արծաթագույն ներկով:
Տեսահոլովակի գործողությունները տեղի են ունենում տիեզերքում, և տեսահոլովակի սկզբում Մայլին ոչ թե հագնված, այլ տիեզերագնացի հագուստով է ներկայանում: Սակայն դրանով երգչուհին շատ քիչ ժամանակ է անցկացնում:
Հիշեցնենք, որ Սայրուսը գրեթե մերկ ներկայանալու իր կիրքը ցուցադրել էր նաև անցած հանգստյան օրերին կայացած MTV EMA մրցանակաբաշխության ժամանակ:
Սակայն այս անգամ սկանդալը ոչ թե նրա հագուստի, այլ բեմի վրա ծխելու հետ էր կապված, որի կադրերն ամերիկյան MTV-ի ղեկավարությունը հեռացրել էր հեռուստատեսային տարբերակից: Ծնողական տարբեր կազմակերպություններ քննադատում են նրան վատ օրինակ ծառայելու համար, նամանավանդ, որ շատերը կասկածում են, որ երգչուհին բեմի վրա ոչ թե սովորական ծխախոտ, այլ մարիխուանա էր ծխում:
Իսկ Մայլին իր նկատմամբ քննադատություններին Twitter-ում պատասխանել է, որ թքած ունի շրջապատի կարծիքի վրա:
