«Հանուն Հայաստան պետության» ճակատի անդամ Ալեք Ենիգոմշյանը քաղաքական հաշվեհարդար է համարում այն, որ մեղադրող դատախազը Ժիրայր Սեֆիլյանի համար 11 տարվա, իսկ Գևորգ Սաֆարյանի համար՝ 4 տարի 6 ամսվա ազատազրկում պահանջեց։ Ըստ նրա՝ առհասարակ գործը շինծու է, իրավական բացատրություն փնտրել պետք չէ։ Ալեք-Ենիգոմշյանը «Առաջին լրատվական»-ի հետ զրույցում դիմեց նախագահի թեկնածու Արմեն Սարգսյանին, եթե իր հնչեցրած արտահայտությունը քաղբանտարկյալների վերաբերյալ անկեղծ էր, ընդամենը բոլորին հաճելի թվալու միտում չէր, ապա նախագահի աթոռը զբաղեցնելու պարագայում պետք է բարձրացնի բոլոր քաղբանտարկյալների հարցը, այդ թվում՝ Ժիրայր Սեֆիլյանի, «Սասնա Ծռերի », Շանթ Հարությունյանի և այլոց։
«Ես չեմ ասում, որ հույս ունեմ, ասում եմ, եթե Արմեն Սարգսյանը ցանկանում է, որպեսզի հասարակությունը հավատ ընծայի իրեն , ինքը 1-2 ամիս հետո շոշափելի դարձնի Հայստանում քաղբանտարկյլաներ չունենալու իր երեկ կատարած հայտարարությունը։ Այլապես իշխանությունը զավթած մյուսների խոսքի նման անբովանդակ կլինի, կատարյալ սուտ»,-շեշտեց նա։
Ալեք Ենիգոմշյանը ընդգծեց, որ նման վճիռներով իշխանությունը, արմատացնում է վճռական ընդվզման, զենքով պայքարի ցանկությունը, քանի որ խաղաղ ապստամբության իրավունքը ժողովրդից խլել են։
Մանրամասները՝ տեսանյութում
