Նյու Յորքի ոստիկանությունը մարմնավաճառության կասկածանքով ձերբակալել է տեղի բնակչուհիներից մեկին՝ նրա զգեստը համարելով վուլգար, հայտնում է korrespondent.net-ը:
Տեղի ԶԼՄ-ների հաղորդմամբ՝ դատարանն արդարացրել է ամբաստանյալին՝ իր որոշումը բացատրելով այն հանգամանքով, որ նա հագնված չի եղել թեթև վարքի կնոջ պես:
Դատը տեղի է ունեցել կնոջ ձերբակալությունից կես տարի անց՝ հոկտեմբերի 15-ին, սակայն լուրը մամուլում միայն անցած հանգստյան օրերին է հայտնվել:
Ոստիկանների հաշվետվությունում նշված է, որ Ֆելիցիա Մակգինիսը հագած է եղել «ձմեռային տաք կիսավերարկու, նեղ ջինսեր ու պլատֆորմով կոշիկներ»:
Գործի նյութերում նշված է, որ մեղադրյալի ջինսերը վուլգար տեսք են ունեցել, քանի որ ակնհայտորեն ընդգծել են նրա ոտքերը:
26-ամյա կինը կալանավորվել էր 2013թ. հունվարի 9-ի գիշերը Մանհեթենում: Նրան ձերբակալել էին մարմնավաճառության կասկածանքով ու մեղադրանք առաջադրել:
