Snapchat սոցցանցի հիմնադիր Էվան Շպիգելը այնքան էլ հաճախ չի հյուրընկալվում երեկույթներին, ի տարբերություն իր կնոջ՝ սուպերմոդել Միրանդա Քերի։ Երեկ Միրանդան և Էվանը, մի քանի ամիսների ընթացքում առաջին անգամ, միասին հայտնվել են աշխարհիկ միջոցառման. Քերն ու Շպիգելը դարձել են նկարիչ Ջասպեր Ջոնսի պատվին՝ Luis Vuitton–ի և The Broad թանգարանի կազմակերպած երեկոյի հյուրերը։
Գործարարն ու մոդելը սպասում են իրենց առաջնեկին։ Victoria’s Secret-ի նախկին «հրեշտակը» հղիության վեցերորդ ամսում է գտնվում։ Երեկոյի համար Քերը երկար սև շոր էր ընտրել, որն ընդգծում էր նրա կլոր փորը։
Զույգն ամուսնացել է անցյալ մայիսին։ Ըստ ԶԼՄ–ների՝ նրանք աղջիկ են ունենալու։ Սա Շպիգելի առաջին երեխան է, իսկ մոդելն արդեն մեկ տղա ունի դերասան Օրլանդո Բլումից։
