«Մենք» երիտասարդական շարժման փոխնախագահ Սևան Աղաջանյանն այսօր լրագրողների հետ հանդիպմանը խոսեց Կոմայգու համասեռամոլների և տրանսվիստիտների դեմ տարվող պայքարի մասին: Նա նշեց, որ նոյեմբերի 6-ին անցկացրել են ստորագրահավաք, որին միացել է 3 հազարից ավելի մարդ: Ստորագրահավաքի արդյունքները նույն օրը երեկոյան նամակի հետ փոխանցվել է քաղաքապետարան, որպեսզի պայքարեն Կիրովի անվան մանկական այգին բարեկարգելու և համասեռամոլներին վտարելու համար: Երեք հարյուրից ավելի երիտասարդներ են մեզ դիմել. «Մենք անգամ գիշերներն ենք եղել այգում և տեսել ենք, որ որևէ ոստիկան չի հսկում. համասեռամոլներն անում են այն, ինչ ուզում են»:
Սևանը նշեց նաև, որ իրենք զրուցել են այգու պահակի հետ, ում խոսքով՝ ինքը մի քանի անգամ փորձել է խոսել նրանց հետ և հեռացնել տարածքից, սակայն համասեռամոլները ոչ միայն չեն լսել նրան, այլև պահանջել են չխառնվել իրենց գործերին:
Բանախոսը հավելեց, որ այգին պատկանում է Տավուշի մարզպետի եղբորը՝ Աշոտ Ղուլարյանին, և Ղևոնդ Ղուլամյանին, ում ինքնությունը դեռևս չեն պարզել:
Հիմնադրամի երիտասարդների պահանջն է՝ մանկական այգին մաքրել համասեռամոլներից և տրանսվիստիտներից, այն դարձնել բարեկարգ այգի՝ երեխաների համար:
