Ինչպես հայտնի է դարձել Prime Crime-ին, հունվարի վերջին «օրենքով գող» Նադիր Սալիֆովի (Գուլի) ստամբուլյան նստավայրում կայացել է նրա մասնակցությամբ առաջին գողական հավաքը, որին նրա մոտ շրջապատի գողերից բացի, մասնակցել է հարևան Հունաստանի տիտղոսավոր դեսանտը։ Հյուրերի թվում առանձնահատուկ նշվում են քութայիսցիներ Գայոզ Զվիադաձեն և Զաալ Մախարոբլիձեն։ Մինչ այդ Գուլին իր մոտ ընդունել է միայն գաղափարապես համատեղելի գողերի, ովքեր ցանկացել են մասնավոր կերպով այցելել նրան՝ կապված վերջերս նրա ազատ արձակվելու հետ։ Միջազգային կապերի ընդլայնման սկզբնական փորձն անցել է ջերմ, եթե ոչ բարեկամական մթնոլորտում, սակայն այդ բանակցությունների արդյունքները, որոնք օրերս հնչեցվել են Հունաստանում, «թուրքերի» համար նման են եղել առավոտյան խումհարի։
Գաղտնիք չէ, որ «թուրք» և «հույն» գողերին բաժանում են ոչ միայն բնական ջրային արգելքները, այլև նրանց միջև արհեստականորեն սերմանված թշնամությունը։ Թուրքիայում բնակվում են Օնիանիի և Ջանգվելաձեի կողմնակիցները, Հունաստանում՝ նրանց հակառակորդները՝ Դեդ Հասանի նախկին դաշնակիցներ Շուշանաշվիլին և Սեբիսկվերաձեն։
Ինչ վերաբերվում է Ջանգվելաձեին և Շուշանաշվիլիին, գլոբալ կոնֆլիկտում Գուլիի տեղի և դերի տեսլականում հակառակորդ կլանների ղեկավարները կանգնած են տրամագծորեն տարբեր դիրքերում։ Շուշանաշվիլին առնվազն ցանկացել է ներգրավել Գուլիին բանակցային գործընթացում, իսկ որ ավելի լավ է՝ դարձնել նրան կոնֆլիկտի մասնակից։ Պարբերականը նշում է, որ միամիտ կլինի կարծելը, որ «հույների» այցը Թուրքիան չի եղել Շուշանաշվիլիի պլանի մաս։ Վերջնական նպատակը մինչև վերջ հայտնի չէ։ «Հույներն» այցելել են Գուլիին անմիջապես այն բանից հետո, երբ նա անտեսել է Հունաստան այցելելու Շուշանաշվիլիի հրավերը։
Ի պատասխան ջանքերի միավորման «հույների» առաջարկի՝ Գուլին չի առարկել և նույնիսկ հետաքրրքվել, թե ինչից արժի սկսել։ Ակնհայտորեն, որոշելով սկսել փոքրից՝ «հույներն» անցել են Գուլիին մոտ գողերի շուրջ քննարկմանը, որոնց առնչվող հարցեր կան։ Խոսքը Նիկա Գագրինսկու, Գոչա Ռուստավսկիի և Մերաբ Մզարելուայի մասին է։ Վերջինս չփակված խոսակցություն ունի Նոդար Ասոյանի հետ։ Բոլորն արդյունքում համաձայնել են, որ ոչ մի գող իրավունք չունի իրեն այդպիսին համարել, քանի դեռ նրա հանդեպ կան հարցեր։ «Հույները» բաժանվել են ընկերական ֆոնի վրա, սակայն Հունաստան վերադառնալով՝ նրանք հայտարարել են իրենց կողմից վերոնշյալ 3 գողերի լիազորությունների դադարեցման մասին։ Թուրքիայում այդ նորությունը շոկ է առաջացրել։ Արդյունքում Գուլիի շրջապատում մնացել են հարցեր չառաջացնող միայն երկու գողեր՝ եղբայր Նամիկն ու Սերյոգա Մոլդավանը։
