Ներկայում ռուսաստանցիների շրջանում առկա է հակաամերիկանիզմի առավել ուժեղ զգացում, քան սառը պատերազմի ժամանակ։ Այս մասին հայտնել է ռուս լրագող Վլադիմիր Պոզները։
«Ես հիշում եմ, որ սառը պատերազմի ամենադժվար ժամանակներում, ամենավտանգավոր ժամանակներում, շարքային մարդկանց մոտ այդպիսի հակաամերիկանիզմ չի եղել։ Այո՛, մենք դեմ ենք Սպիտակ տանը։ Այո՛, մենք դեմ ենք Ուոլ-սթրիթին, սակայն մենք դեմ չենք ամերիկացիներին։ Ամերիկացիները հասարակ մարդիկ են, նրանք այնպիսին են, ինչպիսին մենք։ Եվ քարոզչությունն էլ, ի դեպ, եղել է այդպիսին»,-ասել է լրագրողը։
Պոզները նշել է, որ հակաամերիկանիզմը գոյություն ունի ոչ միայն Ռուսաստանում, այլև Արևմտյան Եվրոպայի երկրներում։
«Երբեք չեն սիրում ամենամեծին, ամենահարուստին և ամենաուժեղին։ Հատկապես, երբ կանխված ես նրանից։ Իսկ ընդհանուր առմամբ Ամերիկայից կախված են բոլորը։ Ցանկացած դեպքում, Եվրոպան ամբողջովին կախված է Ամերիկայից, եկեք իրերն իրենց անուններով կոչենք։ Եվ Ճապոնիան նույնպես կախված է Ամերիկայից։ Միակները, ովքեր այսօր կախում չունեն, Հնդկաստանն ու Չինաստանն են։ Մնացած բոլորը՝ այս կամ այն ձևով»,-ասել է Պոզները։
