Տվյալների էլեկտրոնային բազաներում տեղ գտած սխալի պատճառով ԱՄՆ իշխանությունները միլիոնավոր դոլարների սուբսիդիաներ են տրամադրում հանգուցյալներին՝ գրում է The Washington Post-ը:
Թերթի տեղեկություններով՝ վերջին մի քանի տարիներին սոցիալական ապահովության վարչությունը հանգուցյալներին 133 մլն դոլար է վճարել: Երկրի կենսաթոշակային համակարգը նույն ժամանակահատվածում 400 մլն դոլար է ուղղել՝ հաջակցություն «մեռած հոգիների»: Սոցիալական ծառայությունները ևս 4 մլն դոլար են հատկացրել տների ջեռուցմանն ու օդորակմանը, որտեղ ինչ-որ ժամանակ ապրել են հանգուցյալները: Իր հերթին, առողջապահական համակարգը 2011-ին նրանց բուժման համար 23 մլն դոլար է հատկացրել:
Ինչպես գրում է պարբերականը, ԱՄՆ-ում «բյուրոկրատական սխալների» պատճառով հայտնվել են երկու յուրօրինակ սոցիալական խմբեր՝ «մեռած ողջեր» և «ողջ մեռածներ»:
