«Ազգային անվտանգության նոր հայեցակարգով կարծես գալիս է նաև դաշնակցի փոփոխության, որոնման պահը. սա մեծ պատասխանատվություն է ենթադրում»։ Այս մասին «Առաջին լրատվական»-ի հետ զրույցում ասաց ԵՊՀ բանասիրական ֆակուլտետի դոցենտ, լեզվաբան Նարինե Դիլբարյանը՝ հավելելով, որ պարզապես ցավալի է, որ Սերժ Սարգսյանը միայնակ, միանձնյա է փորձում փոփոխությունները անել։
«Նման խնդիրների լուծումը առավել կոլեգիալ մթնոլորտում շատ ավելի արդյունավետ կլիներ, բայց եթե բարձրացնում է պատասխանատվությունը՝ հասցնելով գերմակարդակի, ուրեմն ինքն էլ կարող է կրել դրանից բխող բոլոր հետևանքները»,- շեշտեց լեզվաբանը։
Նարինե Դիլբարյանի խոսքով՝ Հայաստանը թե՛ արտաքին, թե՛ ներքին լուրջ մարտահրավերների առջև է կանգնած, և եթե Սերժ Սարգսյանը բոլոր կարևորագույն լծակները կենտրոնացնում է իր ձեռքում, պետք է փորձի առաջնորդվել պետության շահերով, քանի որ փոփոխությունների արդյունքում իր ունեցած լծակներով պետությունը դառնում է հենց ինքը։
Մանրամասները՝ տեսանյութում:
