Աշխարհի առաջատար գենետիկները օրերս ներկայացրել են գենային թերապիայի եղանակ, որը, հնարավոր է, կօգնի նախկինում անբուժելի համարվող հիվանդներին:
Նոր մեթոդը հնարավորություն կտա ավելի մեծ ճշգրտությամբ խմբագրել գենետիկ տեղեկատվությունը: Դա նշանակում է, որ մարդու ԴՆԹ-ում հնարավոր կլինի ճշգրիտ փոփոխություններ մտցնել: Դա թույլ կտա գիտնականներին բուժել գենետիկ հիվանդությունները:
Գիտնականները կարծում են, որ տեխնիկան այնքան ճշգրիտ է, որ դրա միջոցով հնարավոր կլինի հիվանդ գեները փոխարինել առողջներով, իսկ դա իր հերթին կօգնի բուժել ՁԻԱՀ-ն ու քաղցկեղը: Այն հնարավորություն կտա նաև երեխայի որոշ հիվանդություններ բուժել մինչև ծնվելը:
Նոբելյան դափնեկիր պորֆեսոր Կրեյգ Մելլոն Independent-ին տված հարցազրույցում նշել է, որ CRISPR-ն այնքան ուժեղ համակարգ է, որն անհավանական հեռանկարներ է բացում:
Այդ տեխնիկայի միջոցով կարելի է նաև խթանել գենային մոդիֆիկացված մշակաբույսերի և տնային կենդանիների աճը:
