Հայաստանի ՀՀԿ-ական թեկնածու Հայկ Հայկյանի շտաբի պետ Արայիկ Սարդարյանը «Առաջին լրատվական»-ի հետ զրույցում դրական գնահատեց ընտրությունների ընթացքը:
Մեր խնդրանքով նա մեկնաբանեց մամուլում տեղ գտած այն հրապարակումները, թե ՀՀԿ-ն ընտրակաշառք է բաժանել, և նշեց, որ դա ավելի շատ հատուկ է հակառակ թիմին: Մեր այն հարցին, թե ինչու է այդպես կարծում, նա պատասխանեց, որ իրենց մտքով նման բան չի անցել, իսկ եթե նման հերյուրանք է տարածել ԲՀԿ-ն, ուրեմն իրենք են բաժանում:
ՀՀԿ-ական շտաբի պետը բարձր գնահատեց իրենց թեկնածուի ընտրվելու շանսերը՝ նշելով, որ 15 տարվա մանկավարժ է, արարատցիները նրան շատ լավ են ճանաչում, քարոզարժավն էլ բավական էր, որ արարատցիները կարծիք կազմեին Հայկ Հայկյանի մասին:
Նշենք, որ Արարատում քաղաքապետի պաշտոնի համար մրցում են ԲՀԿ-ից Սամվել Բարսեղյանը, որն աշխատում է «Արարատցեմենտ» գործարանում՝ որպես արտադրության պետ, և ՀՀԿ-ից՝ Հայկ Հայկյանը:
