40-ամյա շոտլանդուհի Ամանդա Լավելին 16 տարեկանից երազել է մոդել դառնալու մասին և վստահ եղել, որ հաղթանակի գրավականը նիհարությունն է և մեծ կուրծքը, գրում է Mirror-ը։
Մինչ առաջին վիրահատության դիմելը նրա կուրծքը եղել է 2-րդ չափսի։ Առաջին վիրահատության համար նա վճարել է 4.5 հազար դոլար և հասցրել կուրծքը 4-րդ չափսի։ Ստացված արդյունքից Ամանդան դժգոհ է մնացել, նա ցանկացել է էլ ավելի մեծացնել կուրծքը։ Եվս 6000 դոլար վճարելով՝ նա կուրծքը հասցրել է 6-րդ չափսի, սակայն կրկին դժգոհ մնացել։ XXL (800 մլ) իմպլանտներ դնելուց հետո, նա սկսել է իրեն գրավիչ համարել։
Կրծքի երեք վիրահատությունների համար նա 60 հազար դոլար է ծախսել։ Դրանից հետո 3 ամիսը մեկ նա ենթարկվում է կանոնավոր ընթացակարգերի, որոնցից յուրաքանչուրի արժեքը 2000 դոլար է։
Այժմ նա ցանկանում է կրծքի չափսը կրկնակի մեծացնել՝ տեղադրելով 1500 մլ (մինչև 8-րդ չափս) իմպլանտներ և հեռացնել 6 կողոսկր, որպեսզի գոտկատեղը բարակ լինի։
Նրա ընտանիքը դեմ է կողոսկրերի հեռացմանը, սակայն Ամանդան տոգորված է Պամելա Անդերսոնին նմանվելու ցանկությամբ։
