Վարշավայում ընթացող շախմատի տղամարդկանց Եվրոպայի թիմային առաջնությունում այսօր` նոյեմբերի 10-ին կկայանա երրորդ տուրը:
Հայաստանի հավաքականը կմրցակցի Ավստրիայի թիմի դեմ: Առաջին տուրում ավստրիացիները 2.5:1.5 հաշվով հաղթել են հոլանդացիներին, իսկ երկրորդ տուրում ոչ-ոքի են խաղացել ռումինացիների հետ՝ գրանցելով 2:2 հաշիվը:
Հավելենք, որ առաջին տուրում Հայաստանի հավաքականը 2:2 հաշվով էր ավարտել մրցակցությունը բուլղարացիների հետ, իսկ նոյեմբերի 9-ին կայացած երկրորդ տուրում 2.5:1.5 հաշվով պարտության էր մատնել Չերնոգորիայի թիմին:
