«Օդնոկլասնիկի» սոցցանցում հայտնվել է բացասական գնահատական արտահայտող գործառույթ՝ «բթամատը ներքևում պահած» կոճակի տեսքով, որը պետք է գալու լուսանկարները գնահատելիս: Այս մասին Lenta.ru-ին հայտնել է սոցցանցի մամլո քարտուղար Իլյա Գրաբովսկոյը:
Նոր կոճակը իրենից ներկայացնում է կապույտ քառակուսի, որի վրա նկարված է բթամատ, որը պահած է ներքևում:
Ենթադրվում է, որ դրա օգնությամբ սոցցանցի օգտատերերը կարող են արտահայտել իրենց քննադատական վերաբերմունքը իրենց դուր չեկած կոնտենտի վերաբերյալ:
Բացի այդ՝ գնահատականների 5 բալանոց ավանդական սանդղակին փոխարինելու է եկել ևս 4 կոճակ՝ կարմիր կոճակ սրտիկով (ինչպես բացատրել է Գրաբովսկոյը, դա նշանակում է «ինձ շատ են դուր գալիս քո լուսանկարները»), նարնջագույն կոճակ՝ կատվիկով (լուսանկարը «միմիկայնության չափանիշ է»), մանուշակագույն կոճակ՝ ձեռքը վեր բարձրացրած, որը ցույց է տալիս «այծ» («ամենից շատ հավանած լուսանկարների համար») ու կանաչ՝ հորանջող մարդուկով («բացահայտ ձանձրալի լուսանկարների համար»):
Այդպիսով, «Օդնոկլասնիկին» դարձել է առաջին սոցցանցը, որը թույլ է տալիս իր օգտատերերին կոնտենտի ներսում տալ «բացասական» գնահատականներ:
Նոր կոճակը սոցցանցում արդեն անվանում են «դիսլայք»՝ նկատի ունենալով նրա հակադրությունը Like կոճակին:
