Motorola ընկերությունն ԱՄՆ պատենտային գերատեսչություն հայտ է ներկայացրել, որտեղ նկարագրվում է «էլեկտրոնային դաջվածքը»` բարձրախոսով, գրում է Engadget-ը:
Հայցում նշվում է, որ «դաջվածքը» փակցվում է օգտատիրոջ պարանոցին և, բացի բարձրախոսից, իր մեջ ներառում է նաև հաղորդիչ և սնուցման աղբյուր: Բարձրախոսի խնդիրն է ֆիքսել մարդու կոկորդի թրթռումները խոսելիս:
Բարձրախոսից տվյալները փոխանցվում են բջջային սարքավորմանը: Մասնագետները պնդում են, որ հնչյունը որսալու նման միջոցը կնվազեցնի ֆոնային աղմուկները, և զրուցակիցը «դաջվածք» ունեցող օգտատիրոջն ավելի պարզ կլսի:
Դաջվածքի վրա կարող են տեղադրվել նաև էկրան և հաղորդիչ` մարդու մաշկի էլեկտրահաղորդականությունը չափելու համար: Վերջինս թույլ կտա դաջվածքն օգտագործել նաև որպես ստի դետեկտոր:
Հայցում չի նշվում, թե ինչպես այն պետք է փակցնել մաշկին:
