Սան Պաուլոյի բնակչուհին ընտանեկան գերեզման է այցելել և կողքի գերեզմանից տարօրինակ ձայներ է լսել: Հանկած նա տեսել է, թե ինչպես է ինչ-որ մեկը փորձում գերեզմանից դուրս գալ: Վախեցած կինը ոստիկանություն է կանչել, որը սկզբում չի հավատացել նրան, հաղորդում է Daily Mail-ը:
Քանդելով գերեզմանը՝ ոստիկանները այնտեղ կենդանի դիակ են հայտնաբերել: Ականատեսներից մեկի արած տեսագրության մեջ երևում է մինչև գոտկատեղը հողի մեջ թաղված տղամարդը: Նա փորձում է շարժել ձեռքերն ու գլուխը, սակայն դա նրան դժվարությամբ է հաջողվում: «Մահացածին» շտապ հիվանդանոց են հասցրել, որտեղ նրան բուժօգնություն են ցուցաբերել: Նրան երկար բուժում է սպասվում:
Ոստիկանների խոսքերով՝ տուժածը տեղի քաղաքապետարանի աշխատակից է, ում անհայտ անձինք ծեծել էին Սան Պաուլոյի գերեզմանոցի մոտակայքում: Իշխանություններն ասում են, որ հարձակվողները մի քանիսն են եղել: Երբ տղամարդը կորցրել է գիտակցությունը, հանցագործները նրան գերեզմանատուն են տեղափոխել, գցել են գերեզմանի վրա և հողով ծածկել: Եթե կինը պատահմամբ չլսեր տարօրինակ ձայները, նախկին պաշտոնյան իրոք կմահանար:
Վերջերս Բրազիլիայում նմանատիպ էլի մեկ դեպք էր գրանցվել. դաժան դեռահասները ծեծել էին անտուն տղամարդուն և կենդանի թաղել նրան լողափին: Դժբախտաբար, նրան փրկել չէր հաջողվել:
