Սիրիայում կառավարական զորքերը մասնակի վերահսկողություն են հաստատել «Բազա 80» (Base 80) անվամբ հայտնի, Հալեպի մոտ տեղակայված ռազմաբազայի վրա: Այս մասին հաղորդում է Agence France-Presse-ը՝ վկայակոչելով Լոնդոնում տեղակայված Syrian Observatory for Human Rights իրավապաշտպան կազմակերպությանը:
Բազայի համար մարտը, որն ապստամբները գրավել էին 2013թ. սկզբին, սկսվել է այսօր առավոտյան: Նախագահ Բաշար Ալ-Ասադի բանակը «Հըզբոլլահ» լիբանանյան շարժման մարտիկների հետ հարձակվել է ապստամբների վրա, որոնց կողմից կռվում են «Իրաքի և Լևանտի իսլամական պետություն» ծայրահեղ խմբավորման իսլամիստները:
Մարտական գործողությունների հետևանքով երկու կողմերն էլ կորուստներ են կրել, սակայն զոհերի և տուժածների հստակ թիվը չի նշվում: Հայտնի է նաև, որ բախումների ընթացքում օդից հարձակման են ենթարկվել մոտակա բնակավայրերը և Հալեպի արվարձանները:
