Ն.Ս.Օ.Տ.Տ. Գարեգին Բ. Ամենայն Հայոց Հայրապետի բարձր տնօրինությամբ 2018 թ. հռչակվել է Երիտասարդության տարի, ինչի առիթով Մայր Աթոռ Սուրբ Էջմիածնի Թանգարանները ողջ տարվա ընթացքում իրականացնելու են «Արարող ձեռքեր» խորագրով ցուցահանդեսային նախագիծը:
Այս մասին տեղեկացնում է Մայր Աթոռ Սուրբ Էջմիածնի թանգարանների տնօրինության ֆեյսբուքյան գրառումից:
«Նախաձեռնությունը նպատակ ունի աջակցելուՀայաստանի և Սփյուռքի երիտասարդ արվեստագետներին՝ հանրության առջև հանդես գալու, ներկայացնելու իրենց ստեղծագործությունները, մտորումները և գալիքի իրենցտեսլականը: Ցուցահանդեսները բացվելու են Մայր Աթոռ Սուրբ Էջմիածնում (Գևորգյան հոգևոր ճեմարանի սրահ), թեմատիկան ազատ է և ընդգրկում է կերպարվեստի բոլոր ճյուղերը(գեղանկար, քանդակ, լուսանկար և այլն)»,-ասված է գրառման մեջ:
«Արարող ձեռքեր» նախագծին կարող են մասնակցել ուսանող և նորավարտ երիտասարդ արվեստագետները՝ դիմելով Սուրբ Էջմիածնի Թանգարանների տնօրենությանը հետևյալհասցեով: Դիմումներն ընդունվում են մինչև փետրվարի 10-ը (անհրաժեշտ է ներկայացնել համառոտ ինքնակենսագրական, 5-10 ստեղծագործության լուսանկար):
