Անջելինա Ջոլիից բաժանվելուց հետո՝ Բրեդ Փիթը կրկին լավ հարաբերություններ է հաստատել իր առաջին կնոջ՝ Ջենիֆեր Էնիսթոնի հետ։ Ինչպես հաղորդում են արևմտյան լրատվամիջոցները՝ հիմա Փիթն ու Էնիսթոնը ավելի հաճախ են հանդիպում և երբեմն իրար հյուր են գնում։ Վերջերս Բրեդը ծանոթացրել է Ջենիֆերին իր երեխաների՝ Զահարայի, Շայլոյի, Վիվյենի և Նոքսի հետ։
Ծանոթությունը պատահական է ստացվել. Էնիսթոնը մտել է Փիթի տուն, որպեսզի գիրք վերադարձնի հենց այն ժամանակ, երբ նրա մոտ են եղել երեխաները։
Անջելինա Ջոլին միշտ դեմ է եղել Բրեդ Փիթի ցանկացած շփման՝ նախկին կնոջ հետ։ Թե ինչպես է նա արձագանքել երեխաների ծանոթությանը Էնիսթոնի հետ, հայտնի չէ, սակայն արևմտյան մամուլը կարծում է, որ դա կարող է փչացնել Փիթի և Ջոլիի վերջերս կարգավորված հարաբերությունները. վերջերս նախկին ամուսինները վերջապես կարողացել են համաձայնության գալ երեխաների խնամակալության հարցի շուրջ։
