Ավստրալական Քուինսլենդ նահանգի ոստիկանությունը ձերբակալել է 51-ամյա կնոջ՝ հարազատ երեխաների միտումնավոր սպանության մեղադրանքով։ Մարի Քրեբթրին կկանգնի դատարանի առաջ։
Այդ քրեական պատմությունից որոշ մանրամասներ լրագրողներին պատմել է ոստիկանության տեսուչ Մարկ Թոմփսոնը։ Նա հայտնել է, որ առաջին զոհը եղել է 18-ամյա Էրինը։ Նրա դին գտնվել է 2012 թվականին։ 5 տարի անց արդեն այլ տանը հայտնաբերվել է նրա եղբոր՝ 26-ամյա Ջոնաթանի դին։
Երիտասարդները տառապել են զարգացման տարբեր շեղումներով։ Սկզբում ոստիկանությունը կարծել է, որ երկու դեպքերում էլ գործ ունի ինքնասպանությունների հետ, սակայն վերջերս բացահայտվել են նոր հարգամանքներ։
Կնոջը բռնացրել են երրորդ երեխայի նկատմամբ ծաղրի մեջ։ Աղջիկը 25 տարեկան է։ Տեսուչը նրա անունը չի հայտնել, սակայն նշել է, որ աղջիկը ևս տառապում է որոշակի շեղումներով։ Մարիի արարքները գաղտնազերծել են ապահովագրական ընկերությունների ներկայացուցիչները։ Ապահովագրված են եղել Էրինն ու Ջոնաթանը։ Նրանց մայրը ծրագրել էր ապահովագական պոլիսներով ընդհանուր առմամբ ստանալ 800 հազար ԱՄՆ դոլար։
Պարզվել է, որ սպանությունները եղել են միտումնավոր։ Մարին հանցակիցներ չի ունեցել։
