Երրորդ անգամ մայրանալուց հետո, Քիմ Քարդաշյանը մտադիր չէ կանգ առնել։ Ասում են, աստղն այնքան է տարված այս դերով, որ մի որոշ ժամանակ անց մտադիր է կրկին վերապրել այս հույզերն ու զգացմունքներն ամբողջությամբ։ Ըստ հավաստի աղբյուրների՝ նա մտածում է չորրորդ երեխայի մասին, և այդ դերը նա արդեն առաջարկել է փոխնակ մորը, ով իրենց համար լույս աշխարհ բերեց Չիկագոյին։
Այժմ Քիմը ամբողջովին տարված է փոքրիկով և մի քանի ժամից ավել ոչ ոքի նրան չի վստահում։ Երեխայի խնամքով զբաղվող նրա հիմնական օգնականը դարձել է Քրիս Ջեները, ով գալիս է ամեն օր, որ մի քիչ նստի նորածնի հետ։ Գիշերները Չիկագոյին խնամում են ոչ թե դայակները, այլ հենց Քիմը. այսպես նա հույս ունի վերականգնել այն կապը, որ հնարավոր է չհայտնվեր, քանի որ երեխային ինքը չի կրել ինն ամիս։
Հիշեցնենք, որ հունվարի 15-ին, Լոս–Անջելեսի հեղինակավոր հիվանդանոցներից մեկում, փոխնակ մոր օգնությամբ ծնվեց Քիմի և Քանյեի դուստրը՝ Չիկագոն։
