ԱԺ-ում մեկնարկել են «Առանձին ապրանքատեսակների գների բարձրացման պատճառները և գնաճը մեղմելու հնարավորությունները» թեմայով խորհրդարանական լսումները:
Տրանսպորտի, կապի և տեղեկատվական տեխնոլոգիաների նախարարի տեղակալ Արման Խաչատրյանը հայտարարեց, որ ավտոտրանսպորտային փոխադրումների ոլորտում հաստատագրված վճարներից անցում է կատարվել դեպի արտոնագրված վճարների համակարգի, ինչը մեղմացնում է հարկման կանոնները. «Սրա արդյունքում դրույքաչափը նվազել է կամ փոփոխություն տեղի չի ունեցել»:
Նրա խոսքով՝ այս միջոցառման նպատակը ֆիսկալ եկամուտներ չի հետապնդում և ուղղված է կայուն, մրցունակ փոխադրողների կայացմանը:
Ինչպես նշեց փոխնախարարը, ՀՀ-ում տրանսպորտային նպատակներով բենզին գրեթե չի սպառվում, և դա չի հանգեցնի տրանսպորտի սակագնի բարձրացմանը:
Դիզելային վառելիքի առնչությամբ էլ փոխնախարարն ասաց, որ նշված փոփոխությունները չեն կարող հանգեցնել դիզելային վառելիքով գործող տրանսպորտային միջոցների սակագների բարձրացմանը. «Հակառակը՝ նրանք պարունակում են գնանկումը մղելու ներուժ»:
Փոխնախարարը ռացիոնալ չի համարում նաև, որ սեղմված գազի գնի թանկացման դեպքում տրանսպորտի սակագինը կբարձրանա:
Մանրամասները՝ տեսանյութում:
