Գրիպով հիվանդ մարդը կարող է վարակել շրջապատին, նույնիսկ եթե չհազա և չփռշտա: Դրա համար միայն շնչելն էլ բավական է:
Այսպիսի եզրակացության են եկել Մերիլենդի համալսարանի ամերիկացի գիտնականները,- հաղորդում է համալսարանի կայքը:
«Վարակված մարդիկ ինֆեկցիան տարածում են աէրոզոլերի տեսքով (մանրագույն կաթիլների, որոնք երկար ժամանակ մնում են օդում), նույնիսկ եթե նրանք չեն հազում, հատկապես հիվանդության առաջին երկու օրերին»,- ասվում է տեքստում:
Գիտնականները նշում են, որ հենց հիվանդության ախտանիշները զգացող մարդիկ իրենք պետք է տանը մնան և չվարակեն մյուսներին:
Հետազոտության արդյունքները հիմնվում են գրիպի 142 հաստատված դեպքերի ուսումնասիրության վրա: Մասնագետները նշում են, որ նույնիսկ հիգիենայի պահպանումը այն մակերեսների վրա, որոնց հետ շփում է ունեցել հիվանդը, ձեռքերի լվացումը և հիվանդների հետ շփման սահմանափակումը ինֆեկցիայից լիակատար պաշտպանություն չեն ապահովի:
