«Հրապարակ» թերթը գրում է. «Չնայած «Վիվասել ՄՏՍ»-ի տնօրեն Ռալֆ Յիրիկյանը համապատասխանում է Սերժ Սարգսյանի «գծած» նախագահի չափորոշիչներին՝ լեզուներ գիտի, կապեր ունի, հեղինակավոր է և չի զբաղվել քաղաքականությամբ, սակայն նրա թեկնածությունն առաջ քաշողներին հիասթափություն է սպասվում։
Ոչ միայն այն պատճառով, որ իշխանության ընտրությունը կանգնել է Արմեն Սարգսյանի վրա, այլև այն, որ ինքը՝ Յիրիկյանը, միանշանակ որոշում ունի՝ չզբաղվել քաղաքականությամբ:
Իսկ նրան քաղաքականության մեջ ներքաշելու փորձեր անցյալում էլ են արվել։ Անգամ հեղինակավոր կուսակցությունների կողմից, սակայն Յիրիկյանը մերժել է բոլոր առաջարկները։ Երեկ ՀՀԿ ԳՄ նիստից հետո Էդուարդ Շարմազանովը հայտարարեց, որ այսօր Սերժ Սարգսյանը կհրապարակի ՀՀ նախագահի թեկնածուի անունը»:
Առավել մանրամասն՝ թերթի այսօրվա համարում:
