«Մեզ երբեք չպետք է վախեցնի այն, թե քանի մարդ կգա երթին, կգա՞, թե՞ չի գա: Մեր ժողովուրդն այսօր այս վիճակի մեջ է, վաղն ավելի վատ վիճակում է հայտնվելու, մենք պետք է մեր գործն անենք: Կլինի՞ շարունակական, մեծ զանգված կհավաքվի՞, պարզ կլինի, թե հետագան ինչ կանենք»: Անդրադառնալով ուրբաթ օրը «Ելք»-ի հրավիրած երթին՝ «Առաջին լրատվական»-ի հետ զրույցում ասաց ԱԺ «Ելք» խմբակցության պատգամավոր Սասուն Միքայելյանը:
Նա նաև նշեց, որ որպես ընդդիմադիր ուժ իրենք իրենց գործունեությունը ԱԺ-ում փայլուն իրականացնում են։ «Եթե մենք էլ չլինեինք, ինչ էր լինելու»,- նշեց պատգամավորը:
«Մենք հարց ենք դրել, և ուզում ենք հարցի լուծումը ստանալ ժողովրդի օգնությամբ: Հարցնում են՝ կտանե՞ք իշխանափոխության, ասում եմ՝ ոչ, մենք այս հարցն ենք դրել, այս հարցի լուծումն ենք ուզում տալ: Այն մարդիկ, ովքեր այդ հենքի վրա դուրս եկան և ասացին տանում ենք իշխանափոխության, ո՛չ այդ հարցը լուծեցին, ո՛չ էլ իշխանափոխություն իրականացրին»,- ասաց Սասուն Միքայելյանը:
