Քեմբրիջի դքսուհի Քեթրինն արդեն ավարտին է հասցնում Քենսինգթոնյան պալատի վերանորոգումը: 18 ամիս է, ինչ ընթանում են այդ աշխատանքները: Նույնիսկ հղիության ընթացքում Քեյթը զբաղվում էր տան դիզայնով և ուսումնասիրում արքայական հնաոճ իրերի հավաքածուներ ու կահույքներ: Այս մասին գրում է US Weekly-ն:
Ըստ աղբյուրների` տան ներքին հարդարանքը հիմնականում բաց և շագանակագույն երանգների է: Տունն արդեն ունի օդափոխման համակարգ, գաղտնաբառով պաշտպանված Wi-Fi, 2 լոգասենյակ, 3 խոհանոց և հատուկ «զինված» բունքեր:
Վերանորոգման ժամանակ, որը 7 միլիոն ֆունտ սթեռլինգ է արժեցել, Քեյթն ուշադրություն է դարձրել ոչ միայն հնաոճ ներքին հարդարանքին, այլև ոչ թանկ ժամանակակից աքսեսուարների: Բացի 19-րդ դարի 2 ջահերից և 50 հազար դոլար արժողությամբ պարսկական գորգից, երիտասարդ մայրիկը ձեռք է բերել նաև մի քանի արհեստական բրդե ծածկոցներ, յուրաքանչյուրը՝ 129 դոլարով:
