Գերագույն խորհրդի պատգամավոր Ազատ Արշակյանը չի բացառում, որ «Ելք»-ի նախաձեռնած երթը՝ ընդդեմ թանկացումների, կարող է համախմբել ընդդիմությանը: Նրա խոսքով՝ վերջին ավտովթարը նույնպես կարող էր դառնալ համախմբման առիթ:
«Մենք (ես «Ելք» դաշինքի համակիրներից էի) ենթադրում էինք, որ «Ելք»-ը փարավոնի դեմ է, բայց հասկանում էինք, որ Ազգային ժողովում հայտնվելը որոշակի պայմանով է տրված, և այդ պայմանը շատ արագ պարզվեց, երբ «Ելք»-ը հայտարարեց, որ ազատ, արդար, թափանցիկ ընտրություններում իրենք հաղթել են»,- նշեց նա՝ հավելելով, որ դրանով «Ելք»-ը ազատվեց:
Ազատ Արշակյանը տարակուսում է. «Ի՞նչ է իրենից ներկայացնում հունվարի 19-ի երթը. բա հեռանկա՞րը, բա քաղաքական ծրագի՞րը, բա փարավո՞նը, բա համազգային լինե՞լը: Սոցիալական անկումը դադարեցնելու համար պատճառը պետք է վերացվի»:
Նրա խոսքով՝ եթե դա միայն զբաղմունք է, ինչպես ԱԺ-ում ելույթները, ապա ԱԺ-ում ՀՀԿ-ն էլ է խոսում. «Կարտոլաբաններ կան այնտեղ, ասում են, որ լավ չի, սոցիալական պրոբլեմներ կան: Իսկ ի՞նչ է առաջարկում այդ «Ելք»-ը: Դա Մոխրոտիկն է, որը հայտնվել է պարահանդեսում, որը շատ է դուր եկել «Ելք»-ին»:
Մանրամասները՝ տեսանյութում:
