ԱՄՆ-ի կիբերնետիկ հրամանատարությունը (United States Cyber Command, USCYBERCOM) կարող է դուրս բերվել Ազգային անվտանգության գործակալության (ԱԱԳ) ենթակայությունից: Այս մասին հաղորդում է The Hill պարբերականը՝ վկայակոչելով հատուկ ծառայությունների իր անանուն աղբյուրներին:
Ենթադրվում է, որ երբ ԱԱԳ-ի գործող ղեկավար Կիտ Ալեքսանդերը լքի պաշտոնը, ԱԱԳ-ի ղեկավարի և USCYBERCOM-ի հրամանատարի պաշտոններն առանձին կլինեն: Միևնույն ժամանակ պարբերականը նշում է, որ այս կապակցությամբ պաշտոնական որոշում դեռևս չի կայացվել:
Այնուամենայնիվ, կիբերնետիկական ստորաբաժանումն առանձին կառույց դարձնելու մասին տեղեկատվությունը ոչ ուղիղ կերպով հաստատել է զինված ուժերի հարցերով ԱՄՆ սենատի կոմիետի նախագահ Կարլ Լևայնը: Նրա խոսքերով՝ պաշտոնների բաժանման մասին հարցը ներկայում քննարկվում է Սենատում:
Ալեքսանդերն ավելի վաղ հայտարարել է, որ դեմ է այդ առանձնացմանը:
