Տեղեկությունն այն մասին, որ ԱՄՆ նախագահ Դոնալդ Թրամփը պատրաստվում է այս ամսվա վերջին այցելել Շվեյցարիա՝ մասնակցելու Դավոսի համաշխարհային տնտեսական ֆորումի ամենամյա հանդիպմանը (հունվարի 23-26-ը), ոչ միանշանակ արձագանք է առաջացրել։ Այս մասին հայտնում է The Local-ը։
Մինչդեռ Շվեյցարիայի կառավարության ներկայացուցիչ Անդրե Սիմոնացին հիացմունք է արտահայտել՝ իմանալով, որ նախագահ Թրամփն այցելելու է լեռնային առողջավայր Դավոս, ձախ կենտրոնամետ քաղաքական գործիչները դժգոհություն են արտահայտել՝ կապված այդ նորության հետ։ Նշվում է, որ Շվեյցարիայի նախագահը Թրամփի հետ հանդիպելու ցանկություն է հայտնել։
Swiss petition to keep Trump out of @Davos https://t.co/0A0eKHgvA6 via @ChannelNewsAsia Sign the petition here> https://t.co/VeZUQcKYDZ
— campax (@campaxorg) January 10, 2018
Երկրի Սոցիալ-դեմոկրատական կուսակցության երիտասարդական թևը կոչ է անում կառավարությանը կանխելու Թրամփի այցը Դավոս և նույնիսկ ստորագրահավաք է սկսել։
Նշվում է, որ տեղի բնակիչները դեմ չեն Թրամփի այցին։
