Իտալական էստրադայի արքա և կանանց մի քանի սերնդի սեքս-խորհրդանիշ Ադրիանո Չելենտանոն դարձավ 80 տարեկան:
«Զսպանակների վրա մարդը», ինչպես նրան անվանում են հայրենիքում, իր կարիերայի ընթացքում հասցրել է դառնալ փոփի, ռոքի և կինոյի աստղ, չնայած երազում էր լինել սովորական ժամագործ:
Այդպես կարող է երգել միայն նա: Իր մասին առաջին անգամ Չելենտանոն հայտարարել է դեռ 1960-ականներին, երբ խուժեց բեմ այդ ժամանակ Իտալիայի համար վայրի ռոք-ն-ռոլով: Եվ մշտապես մնաց ամբողջ աշխարհի երկրպագուհիների սրտերում որպես գլխավոր տղամարդ:
Այդ ժամանակից ի վեր Ադրիանոն ձայնագրել է ավելի քան 30 ալբոմ՝ միանգամայն տարբեր ոճերով. փոփ-երաժշտություն, դիսկո, ֆանկ: Նա չէր վախենում փորձերից, համարձակվեց իրեն փորձել նաև ռեփում:
Իզուր չէ, որ հայրենիքում նրան անվանել են «Մարդ՝ զսպանակների վրա»: Չելենտանոյի երաժշտությունը աստիճանաբար նվաճել է ամբողջ Եվրոպայի մելոմաններին, բայց դա նրա համար քիչ էր: Նա սկսում է նկարահանվել կինոյում. սկզբում Ֆելինիի ֆիլմերում կատարում էր ռոք-երաժշտի դեր, իսկ հետո՝ գանգստերների և ջենտլմենների:
Կամային կզակով, խոշոր ատամներով և խորաթափանց հայացքով նա չէր համարվում գեղեցկության իդեալ, սակայն դա չէր խանգարում նրան դառնալու սեքս-խորհրդանիշ: Անցյալ դարի 70-80-ական թվականներին նրան ողողում էին սիրային նամակներով, իսկ մոլորակի գեղեցկուհիներից մեկը՝ Օռնելա Մուտին, ամուսնալուծվեց ամուսնուց՝ հույս ունենալով ամուսնանալ Չելենտանոյի հետ: Բայց նա այդպես էլ մնաց իր կնոջ՝ Կլաուդիայի հետ, որի հետ է ավելի քան 50 տարի: Կինը նրան պարգևել է 3 երեխա՝ հանդուրժելով անգամ նրա անհավատարմությունը. չէ՞ որ նա, միևնույն է, միշտ վերադառնում էր:
Առանց նոր երաժշտության Ադրիանոն չի կարող. վերջին ալբոմը նա ձայնագրել է մեկուկես տարի առաջ: Իսկ ահա մեծ էկրաններին նա արդեն 17 տարի է՝ չի հայտնվում:
