Իրաքցիներն ու քրդերը պետք է սովորեն կոնտրահաբեկչական պատերազմ վարել, վստահ է Կանադայի հատուկ գործողությունների ուժերի հրամանատար, գեներալ–մայոր Մայք Ռուլոն։
Չնայած այն հանգամանքին, որ ԻՊ զինյալները Իրաքում պարտություն են կրել, դա չի նշանակում, որ Իսլամական Պետությունը մահացել է։ Այս մասին CBC News հեռուստաալիքին տրված հարցազրույցում ասել է
Կանադայի հատուկ գործողությունների ուժերի հրամանատար, գեներալ–մայոր Մայք Ռուլոն։
«Ինչ է հետո անելու ԻՊ–ն։ Եթե նրանք չեն վերահսկում տարածքը, ապա ամենայն հավանականությամբ նրանք ընդհատակ կանցնեն»,– վստահ է Ռուլոն։
Նրա խոսքերով, եթե ԻՊ–ն ընդհատակ անցնի, ապա իրաքցիներն ու քրդերը պետք է սովորեն կոնտրահաբեկչական պատերազմ վարել։
Ռուլոն վստահեցնում է, որ նման պատերազմ վարելու համար այլ հմտություններ են հարկավոր։
«Դեռ վաղ է պնդել, արդյոք նոր կանադական առաքելությունը Իրաքում կունենա վարժանքային բաղադրիչ, թե միայն խորհրդատվական, սակայն մենք դիտարկում ենք բոլոր տարբերակները»,– ավելացրել է նա։
