Տեխասի բնակչուհի Մայրա Ռոսալեսը սկսել է համարվել աշխարհի ամենագեր կինը, երբ նրա քաշը հասել է 499 կիլոգրամի: Ավելորդ քաշի պատճառով նա նույնիսկ դադարել է անկողնուց վեր կենալ: Այս մասին գրում է glavcom.ua-ն:
Կտրուկ ճարպակալման պատճառը կյանքում մի շարք ուժեղ ցնցումներն են եղել, հետո սննդային խանգարում է առաջացել:
Մայրան հիշում է, որ 9 տարի առաջ ողբերգական մահով մահացել է իր զարմիկը: Նա գլխի մահացու վնասվածք է ստացել: Կինը փորձել է ստիկանությանը համոզել, որ նա մահացել է, երբ ինքը պատահաբար ընկել է նրա վրա: Դրանից հետո նա երկարատև ընկճախտի մեջ է ընկել:
Սակայն իր կյանքը փոխել նա որոշել է 30 տարեկանում: Առաջին հերթին նա դիմել է վիրաբույժների, ովքեր նրան ազատել են ավելորդ կիլոգրամներից: Դրանից հետո նա կարողացել է ինքնուրույն տեղաշարժվել: Նա 11 անգամ պառկել է վիրաբույժի սեղանին: Մասնավորապես, նրա ստամոքսն են փոքրացրել: Դրանից հետո նա սկսել է ակտիվորեն սպորտով զբաղվել:
Մայրայից մի քանի տարի է պահանջվել 403 կիլոգրամով նիհարելու համար: Հիմա նա կշռում է 96 կգ և համոզված է, որ այլևս երբեք նախկին վիճակին չի հասնի:
